Við erum eina fyrirtækið í vetnisgeiranum sem getur státað af því að hafa haldbæra reynslu af því að hefja rekstur á vetnisvögnum, vetnisstöð, staðföstum efnarafala, hafa reynslu af samvinnu innan evrópusamstarfsverkefna og stunda rannsóknir tengdar samfélaginu. Ráðgjafaþátturinn er því byggður á reynslu. 

Íslensk NýOrka er fyrirtæki sem eingöngu safnar og vinnur úr gögnum frá  þróunar- og tilraunaverkefnum með vetni. Jafnframt er fyrirtækið þátttakandi í greinaskrifum og samantektum sem ekki krefjast grunnrannsókna. Verkefnin miða öll að því að fylgja eftir vinnslu, meðhöndlun og prófun vetnis sem nýtt er sem eldsneyti og dregur úr hættu á loftslagsbreytingum. 

Starfsemi Íslenskrar NýOrku er fólgin í:

• Verkefnastjórnun til dæmis í evrópusamstarfsverkefnum eins og í ECTOS
• Rannsóknum, gagnasöfnun og úrvinnslu eins og í NEEDS
• Þátttaka í tilraunum eins og að nota vetni í varaaflstöð  
• Ráðgjöf  fyrir fyrirtæki, sveitarfélög innanlands jafnt sem utan t.d við japönsk sveitarfélög og íslensk fyrirtæki
• Fræðslu, kynningum og kennslu á Íslandi og erlendis